Mundartbeitrag von:
Sumper Gabriela -
A-4040 Linz
gabi.sumper@gmail.com
Alle Mundartautoren
Mundart-Datenbank |
Zukunft
Des hod koa Zukunft, so haums gsogt
duas net, loss bleim, sei gscheid
I hobs probiat, mi schwitzad plogt
hiaz schauns, – und haum an Neid.
Des hod koa Zununft, schreins hiaz grod
du spinnst, bist narrisch, bled
I bin ma fia kan Aufwaund z`schod
schauts amoi hea, es gehd.
Des hod koa Zukunft weans bestimmt
aum Todnbedd a nu klogn
bis mi da Gizi üwakimmt
ES brauchts ma nix meah sogn...
Des hod koa Zukunft haums vazöht
und haum net aun mi glaubt
auf meine Fiass hob i mi gstöht
des hob i ma erlaubt...
|
