Mundartbeitrag von:
Schlegel Evelyn - 4020 Linz
Alle Mundartautoren Mundart-Datenbank |
Wos is des?
In da Fruah moch i d’Augn auf, hm, iagandwos föht,
A Essn, a Dringa, a Gwaund, oda Göd?
Na, gibt’s des,
i bin so total nebm mia,
Do is wos!
Wos is des?
Wos is’, wos is gspia?
Links dra i mi, rechts dra i mi,
’s is’ spät, i soit geh.
Da Knopf, waunn ma aufgang,
des warad scho sche.
Des Leintüachi nebm mia is koid wia a Stoa,
na, logisch, wei, i lieg do aloa.
Ha, jetzt, jetzt was i’s, jetzt was i’s wos is,
du bist ’as, du föhst ma , jetzt is ma gwiß.
|