Mundartbeitrag von:
Bast Markus - 4481 Asten markus.bast@hotmail.com
Alle Mundartautoren Mundart-Datenbank |
D`easchte Liab.
S`easchtemoi liabm
is a brodlndes Gfuih,
kaunsd da ned höfm
gegns innare Gwui.
Wia a grouß` Hefm
mit brennhoaßn Wossa,
oda mit nockate Fiaß
af an gluathoaßn Pflosta.
So rennst umanaund,
mit an Kopf volla Bei`,
beidsd netta bis Nocht wiad
fia di und de Dei.
Gehts da länga a so
und hosd de drau gwehnt,
pass af ba dein Dirndl,
obs ned Hoa af de Zähnt.
Wäu wauns a so wa
und se s`Meckan ned afhengd,
sog iah schnö pfiate,
ehs de oisse gaunze daglengt.
Owa wäusd as gean mogst
und ois aundane passt,
heirats wegn meina,
des gschmoisade Gfrast.
Aus meinem Buch: GSCHRIEM WIA GREDT, Innviertler Lyrik,
erschienen im Verlag INNSALZ, 2005
|