Mundartbeitrag von:
Lehner Anna - 4600 Wels anna4649@gmx.at
Alle Mundartautoren Mundart-Datenbank |
Nordkap
Weils dahoam regnt, sag i zum Maun
dös tamma uns nöt länga an
Ruck aussa s´Geld, geh weida
fahr ma in Nordn - da is´s heita
Naja sagt er, dös kimmt ma glegn -
wü eh scho lang d´Vawandtschaft segn
Wisst´s - er sagt zu mir in oana Tour,
dass i vom Renntier stamma tua
Ös macht eahm nämli nöt so Spaß
waun i eahm beim Wandan hintn lass
Und fragn uns d´Leit, waun mia dann z´Haus
wia schaut´s denn obm beim Nordkap aus,
dann sag i eahna mit Genuss,
dass man´s gesehen haben muss.
A Felsn is´s, a großa,
steht mittn drinn im Wassa,
dort waunst bist um Mitternacht,
angebli d´Sunn vom Hümmö lacht
- so ham´s ös prophetzeit
drumm samma gfahrn so weit
Regn und Wind warn uns beschert,
drumm hamma gmacht glei wieder kehrt
Mitternachts-Sonn - der Wunsch blieb offn
aba d´Vawandtschaft hamma troffn.
Anna Lehner, Wels
|