Mundartbeitrag von:
Bast Markus - 4481 Asten markus.bast@hotmail.com
Alle Mundartautoren Mundart-Datenbank |
Klimawaundl
Hoaß woas aunfängle,
gluathoaß,
nochad is guat woam gwen,
richte guat,
blitzt und dunnat hots a iawend,
richte krocht,
saukoit woas zweng den oba goa nia,
no`n wedan,
wäu zan schneibm woas oiwäu weit zwoam,
trotzn fröstln,
spada is daun öfta nua lauwoam gwen,
zwiezach, wia ma sogt,
nimma so summanachte wia friacha,
stada hoit,
oba nu oiwäu ned zan dafriern,
woam gmua,
zan nu liabm aunanaunda,
ban herbstln,
bis gaunz finsta wead,
und saukoit.
|