Mundartbeitrag von:

Kavlik Ernst    -
1080 Wien

I wea berühmt

Bin i gfoan wieda noch Linz,
weu ma sogt jo duat beginnts.
Woa i bei da liabn Frau,
hot sie gsogt,mein Hea genau,
soiche Sochn kennans mochn,
haum de Leit glei wos zum Lochn.
Frogt sie mi, haum sie do mea?
nau daun gems mas glei do hea.
Mia mochn jo a Büchelein,
und waunns woin kummans do rein.
Jo liabe Frau, i glaub do net,
das des do kostenlos so geht.
Na, sogt sie im leisen Ton,
a bissal blechn miassns schon.
Schauns mein Hea, so tuans bedenkn,
ma kaunn net imma nua zu schenkn.
So leg i hi daunn de Marie,
und denk ma, is jo eh net vü.
Jo de Leit sie wean daunn laufn,
ins Geschäft ums Biachl zkaufn.
Und so wean daunn olle lochn,
weu do drinn stehn lustge Sochn.
Jo daunn sog i unvablühmt,
meine Hean i bin berühmt.