Mundartbeitrag von:
Kavlik Ernst -
1080 Wien
Alle Mundartautoren
Mundart-Datenbank |
Die Schuhe
Hot de Frau kauft neiche Schuach,
i dazö das, auiso huach.
Sie pockt de aus, woa sie daunn zhaus,
jo de schaun do recht guat aus.
Und sie tuat se a glei putzn,
weu de wü sie muagn benutzn.
Aum näxtn Tog daunn in da Fruha,
gibts ma übahaupt ka Ruha.
Schau si au, san de net sche,
mit de wea i ind Oabeit geh.
Auis aum Obnd sie kummt zhaus,
ruafts ma zua ,es is a Graus.
Bin i auf da Strossn gaungan,
hot des a scho aungefaungan.
Faung i uandlich au zum hinkn,
hob an Schmeaz in meinem linkn.
Tuan de Hammaln uandlich druckn,
muas i mi daunn obebuckn.
Und wos do is, i tua net scheazn,
i sich warum i hob so Schmeazn.
Dea linke Schuach, des is ka echta,
wast warum?, ea is a rechta.
Schreib des jo net in dei Buach,
dass i hob- zwa rechte Schuach.
|
