Mundartbeitrag von:

Mayer Fritz    -
4470 Enns
fr.mayer@gmail.com

De heilige Kua

Bei uns is des Auto a heilige Kua
und kriagts wo an Pecka
dann ham ma ka Ruah.
Bevor`s wieda g`richt is
und spiaglt und glaunzt
wird manches moi tagelaung
gnörglt und g’raunzt.

Späta waunns oid is
und da Rost aussaschaut
waunns net auspringt weus koid is
wird’s am Misthaufn g’haut.

A neichs muass jetzt her
mit Kredit oda boar
weu gaunz ohne Auto
wars scho sonderbar
und frira gibt’s im Herzn koa Ruah
bevor’s vor da Tür steht
de heilige Kua.