Mundartbeitrag von:
Frank Christine -
2201 Gerasdorf
helga@austronaut.com
Alle Mundartautoren
Mundart-Datenbank |
Emanzipation
A Bekaunnte triff i neilich auf da Stroß'n,
daunn dazöht s' ma, sie kau ka guad's Hoar nit loss'n
aun da Frau von ihr'n brav'n Bua
und es loßt ihr'n Muttaherz ka Ruah.
"I sog das, so a feules Luada,
de hot nix g'lernt bei ihrer Muada,
g'schlof'n wiad bis zwö'fe leit,
fia's Kocha hot's daunn a koa Zeit,
did Wäsch' hot längst mei Bua scho g'mocht
und d' Gschropp'n in Kinagoart'n brocht.
Daunn oarweit er in gaunz'n Tog,
einkaffa geht's nit, des is ihr zvü Plog.
Noch da Hockn foahrt dann der Potschochta
schnö ham zun Sohn und zu da Tochta,
weu er daunn Kindsdirn moch'n muß,
denn sie geht fuart - sunst gibt's Vadruß!
Ob Goart'norwat, Wohnungsputz,
i sog da, de is fia goar nix nutz!
Owa mei Töchterl hot a Ries'nglick,
dera ihr Mau is a woahres Goidstück:
Er loßt sie schlof'n in da Friah,
sogoar des Frühstück bringt er ihr,
er duad sie wirkli brav untstütz'n
und meina Tochta höf'n und nit ausnütz'n,
er woscht und kocht gaunz exzellent,
lernt mit de Kinda - büglt söwa sei Hemd,
de wiad vo eahm auf Händ'n trog'n,
na - geg'n so an Maun kaunn ma goar nix sog'n!"
Und die Moral von der Geschicht':
WENN ZWEI DASSELBE TUN - DAS GLEICHE IST ES NICHT!"
|
