Mundartbeitrag von:
Springer Martin - 4170 Haslach an der Mühl der.rohrspatz@aon.at
Alle Mundartautoren Mundart-Datenbank |
Sunndámess
Nüchterne und Tschecheranten,
Gläubige und Atheistn,
Dasige und Asylantn,
Konservative, Sozialistn,
Pensionistn, Ministrantn,
olle Taufgöd`, olle Firmgöd`
Aufrechte und Querulantn,
de schadàt`s am Sunnda gar net,
wann s` in d`Kircha einifandn.
Und de Kloana und de Goßn
und die Bladn und die Magern
und de Truckern und de Nassn
und de Kräftign und de Hagern
und de Finstern und de Blassn
und de Dunköl- und de Hellbraun
und da Schiache und da Schen,
olle, ganz egal wia s` ausschaun
kunntn ah in d` Kircha gehen.
Ah de Guate und de Schlechte,
ah de Zfriedne und de Grante,
ah de Falsche und de Echte,
ah de Süaße und de Hante,
de Abdrahte, de Gerechte,
ah de Gscheite und de Blede,
ah de Grobe und de Feine,
va de Weiberleit a jede
gherat in de Kircha eine.
Ja in d`Kircha kunnt am Sunnda
geh a Froha, a Betriabta,
a Stoankranga wia a Gsunda,
a Einsamer, a Verliabta,
ah a Flacher und a Runda,
de Entbundna und de Schwangern
und zletzt ih nu und de Meine.
Wann de olle einigangan,
gangan gar net olle eine.
|