Mundartbeitrag von:

Eder Martina    -
4600 Wels
martina.eder11@tele2.at

Merk dar oans

Kimmt net de Kathi znachst za mir
und jammert mir ihr Ölend vür:
"Ih hab mar schene Weichsln kaft,
van Kernauslesn war ih gschafft.

Vier Kilo san ja net so weng.
Ih hol mar`s Reindl va der Bänk,
tua d` Weichseln und an Zucker ein,
schütt den van Glasl ah in d´ Rein.

Doh nachn Einsiedn wia`s so is,
da muaß ih s´ kostn, des is gwiß.
Vor lauter Schroaka wiar ih blaß,
verflixte Gschicht, wia gibt`s denn das.

Ganz salzig schmeckt`s, was is passiert,
hab ih mih da im Glasl g´irrt"?
Und wirklih wahr, a Salz is`S gwen
und ganz dadattert und verlegn

sagts´: " Merk dar oans und halt dih dran,
sobaldsd´was umfüllst schreib`s guat an.
Dann sparst za alln Überfluß
dir d´ Arbat,`s Geld und in Verdruß".