Mundartbeitrag von:
Eder Martina - 4600 Wels martina.eder11@tele2.at
Alle Mundartautoren Mundart-Datenbank |
Mei Ferdinand
Ih hab an Freind, ih sag enks, Leit,
auf den is a Verlaß,
ih geh mit eahm recht gern spaziern -
nur net in nassn Gras.
Dann wandern mir der Traun entlang,
kehrn in a Wirtshaus ein,
er druckt mei Hand, so vül er kann,
möcht´ netta bei mir sein.
Drum steht er allweil bei mein´ Bett,
wart, bis ih munter wiar
und gfreit sih wann ih nach eahm glang,
so kimmt`s mar iawö vür.
Daglanga kann ih`n überall,
mein´ Ferdinand mein Freind,
er schaut ah recht manierlih aus,
is gern mit mir vereint.
Bloß reden, na, des kann er net,
glang trotzdem gern danah,
weil hätt ih`n net, ih sag enks, Leit,
er gang mar richti a(b):
Mei Gehstock, ja der gibt mar Halt,
sobald mar d´ Füaß versagn,
drum halt ih`n ah ganz gwiß in Ehrn,
mehr kann ih enk net sagn.
|