Mundartbeitrag von:
Frank Christine - 2201 Gerasdorf helga@austronaut.com
Alle Mundartautoren Mundart-Datenbank |
Gösn
In gaunz'n Summa woar a Ruah'
do jede Nocht jetzt a Gesurr,
den Schlof raubt mia des blede Luada
"Suach wo aunascht dia dei Fuada!"
A Woch'n duad s' mi scho sekkier'n,
vo mia wiast du ka Bluat mehr griag'n,
zum Seg'n is nix, moch i a Liacht -
i glaub das sa si urndli fiacht!
Moch i finsta und drah oh
is sie plötzlich wieda do,
surrt ma ständig aun die Uhr'n,
a Loch in meine Haut wüs buhr'n,
sie saugt mit Lust, i hob an neich'n Dippl,
jetzt bist draun, du lästig's Krippl!
Es juckt mi scho von Kopf bis Fuaß,
is kloar, das jetzt wos gscheg'n muaß.
Vanebl'n dua i ois min Spray,
iatzt kaun i a nit schlof'n geh',
in Hois do krotzts, die Nos'n juckt,
de Aug'n brennan wia varruckt;
moch's Fensta auf, i muaß jetzt lift'n
und glei drauf dua i mi scho gift'n,
zwa neiche Gösn duan mein Fried'n stehr'n,
jetzt geht's von vurn au, i kennt reahr'n!
|