Mundartbeitrag von:
Geiger Ursula -
1220 Wien
ursula.geiger@chello.at
Alle Mundartautoren
Mundart-Datenbank |
VIER MÄNNER
Wüst amal fahrn nach Griechenland,
nach Thassos kum, des is bekannt.
Durt triffst vier wirklich nette Maner,
die echten Namen kennt no kaner.
Der ZANGERL-KARL, kla und grau,
ist wichtig bei sein Häuslbau.
Sei lieabstes Spüzeug is a Zangan,
des war sei Frau, kennt ana manan.
Aufs Werkzeug is er ganz verssesn,
da kann er Weib und Kind vergessn.
Oft kummans an mit recht vü Sachen,
da ham die Griechen was zum lachen.
Vom Lusta bis zum Spülungskastl,
zahts er daher, der klane Wastl.
Da Zweite is da ZIPPERO-HANS,
du glabst der sauft? Des stimmt net ganz.
Mit seine Knia er laboriert,
des Zeig wird abends aufegschmiert.
Do a nach innen laßt ers lafen,
sei Hüde muaß stehts neichn kafen.
Bier und Wein ihm recht guat schmecka,
beim essen tuat er`d Finga lecka.
Der oide Camper is guat drauf,
ans geht jetzt nimma, a Dauerlauf.
Der Dritte von die wüdn Kerl
den nennans nur den MADEN-FERDL.
Sein Namen hat er von de Wirma,
die er sie kauft bei aner Firma.
Mit de geht er im Meer dann fischen,
tuat manches mal a an dawischen.
A große Goschn, recht vü Herz,
is immer aufglegt für an Scherz.
Nur bei sein Bier gibt`s ka Erbarmen,
da dest in kurzer Zeit verarmen.
Als Vierter in der tollen Runde,
is no a Deutscher mit im Bunde.
KIEBERER-DIETER haßt der Teutone,
mei liaba, der is a net Ohne.
Er reglt manchmal den Verkehr,
sei Frau hat`s mit ihm sicher schwer.
Hat immer Recht, was alles besser,
trinkt wenig, is a fader Esser.
Kurvt mit sein Moped durch die Gassn
und`s Rauchen kann er a net lassen.
Wenn jeder mitbringt no sei Fraudi,
dann is perfekt die murtsdrum Gaudi.
So manchen Uzo die dann kippn,
am Retzina tuans net nur nippn.
Auf`s nächste Mal woin ma jetzt trinken
und unsern Freunden Jassas winkn.
|
