Mundartbeitrag von:
Eder Martina - 4600 Wels martina.erder11@tele2.at
Alle Mundartautoren Mundart-Datenbank |
Ja, so is`s auf derer Welt
Ja, so is`s auf derer Welt,
hast koan Liabstn, net vül Geld,
fühlst dih aber halbwegs gsund.
Sag mar`s, is des net a Grund,
daßd´ z´ frieden bist so mit dein Lebm,
ja, was kann`s denn Scheners gebm.
Z´ Essn hast doh allweil gnua,
und dir nimmt ah neamd dei Ruah.
Wird dar nachher a weng fad,
hebst in Hörer ab, schen stad,
ruafst an altn Freind dann an,
ob er vielleicht kemma kann.
Meinerseel, der wird sih gfrein,
dih um dei Courage beneidn.
Selber hat er nia den Muat,
und findt dein Anruf wirklih guat.
Ja, so is`s auf der Welt,
a weng a Gsellschaft hat schon gfehlt.
Drum mach ah du den erstn Schriatt,
daß da so manches besser wird.
|