Mundartbeitrag von:
Rauner Wolfgang - 7222 Rohrbach bei Mattersburg wrauner@yahoo.de
Alle Mundartautoren Mundart-Datenbank |
Andy's Steyr - Traktoa
Mit mein Steyr - Traktoa, fohri heit in Wold
wal a Kabin dabei is,is ma eh nit kolt
i mog deis Holz so gean und wül nau Baua wean
wal mit den Steyr- Traktoa, fohr i so gean
I nimm mein Voda mit und hau deis Holz vanaund
wal i an Spolta hob,hommas jo bold banaund
daun nimmi d'Motorsog und schneid in nägstn Bam
i bin in Wold so gean, deis is a Tram
Und afn Auhänga, das si d'Achs vabiagt
schlicht i deis Holz daun aufi,das nix owafliagt
huck in Voda drauf und wiaf in Traktoa aun
wal mit mein Steyr - Traktoa fohri davaun
Und daun kimmi houam, fahlt mi mei Oldi aun
wahls dahoum bleim muaß und nit mitfohrn kaun
fan hackln is koa Red,wüll a goanix hean
nua mitn Steyr - Traktoa fohrt sie so gean
Da Voda sogt nix drauf,ea gibt den Holz an Spitz
dat liawa Zeitung leisn,af sein Lieblingssitz
und van Holz nix wissn,a nit di Motorsog
wal a den Steyr - Traktoa,jo goanit mog
Owa wos soull deis Gaunzi,mia homs s'Holz banaund
greifma zauma hiats,schlichtmas aun die Waund
und in Winta daun,is ins jo wieda woarm
wal daun kimma wida,mitn Traktoa fohrn.
|