Mundartbeitrag von:
Decker Hannes - 4020 Linz hannes@literat.at
Alle Mundartautoren Mundart-Datenbank |
irgendwaunn
maunche leid
fiachdn sih davor,
dass bei uns amoi
koa oaweid
mehr sei wird
weu d'konzerne
und d'großn firman
gern in indien,
in china,
vietnam
und aundane
sogenaundde
billiglohnländer
oaweitn lossn.
owa waun des so kamad
dad des ned laung hoidn
weu nämlih mir daun
de billig
lohn
länder
waraddn!
|