Mundartbeitrag von:
Bast Markus - 4481 Asten markus.bast@hotmail.com
Alle Mundartautoren Mundart-Datenbank |
Herbst loosn
Waun d`Blattln rauschn ban falln
wäuls en Wind nimma vatrogn
de mehran Bleame vabliahn
wäu d`Sunn wenga Kroft hot
waun d`Liachta vui friacha
ausn Fenstan auableazln
und ban Häusan da Quoilm
aus de Rau`pfäng herrackt
waunsd nochn Afsteh en Blattlwoid liest
und bis en Mittog ei`dauad
bisd drafkimmst wia spot`s is,
aft is`Summazeit ume
waunsd aft nachad
en d`mülde Sunnseitn legst,
dabei a weng dahi tramst
und en Blattlrauschn zualoost,
heasd wia`s ah dei Zeit amoi,
wias gscheckade Lauwad vawaht
wauns dih aftad daschrickst,
ob`s ba dir ah boid so sei` kunnt
bleazln dih rundumadum
de rastadn Wiesn und d`Föda an,
übasaht mit redade Blattln,
se woilln da sogn, tua hoit ah rostn
sei stüll, hear`eine en d`Stadn
und loos zua dera herbstlegn Natua,
wäu de sejl Zeit is hoamle,
mog s`laude Grscheiad ned gern.
|