Mundartbeitrag von:
Lehner Anna - 4600 Wels johann_lehner@liwest.at
Alle Mundartautoren Mundart-Datenbank |
Jahresreise der Praline
Zum Geburtstag im Jänner kriagt vo mir die Pauline
wia´s ma´s z`Weihnachtn geschenkt ham - a Schachtal Praline
D´Pauline schenkts weida an ihr Schwester, die Grete
die is des ganz Jahr üba wirklich a Nette
D´Gretl ist zuckakrank, derf dös nöt essn
sie hätt´eh fast in Herbi sein Geburtstag vagessn
dem schickt´s die Pralinen mit recht schene Griaß
wäu der ißt eh oiwäu gern a wengal was Siaß
Da Herbi, der hat an Freind druntn in Wean
dem schickt er´s glei weida zur Hochzeit, da grean.
Von dort nimmts sein Freund mit nach Wels zu da Frieda
und vo der kriag i dös Guzl dann z´Weihnachtn wieda.
Was i damit tua, dös kinnt´s eng schon denga
i werds zu Süvesta oan vo euch schenga.
|