Mundartbeitrag von:
Eder Gabriele -
4810 Gmunden
Alle Mundartautoren
Mundart-Datenbank |
prosit 2008
Mei sogts, wo is die zeit bloß bliebm?
Weg is dös ganze 2007!
Wünscht adjö no heit auf d’nacht,
ab morgen hoaßt’s 2008.
I dank eahm schean, dem olden joahr,
dös häufti freindli zu mia woar,
hab i a gflennt, hab i a glacht
so mecht i’s a 2008.
Dö freind und olle liabn leit
wünsch i vor allm zufriedenheit
mit dem, was jeder halt so macht
im nagelneichn 008.
Dazua no hausverstand und glück
und von da gsundheit a a stück
Damit s’net kreamelt und net kracht
von kopf bis fuaß - 2008.
Vom guatn vorsatz nimm lei an,
du hoaltst di sowieso nit dran,
vagißt eahm schnöller als gedacht
a im joahr 2008.
Nimm dei glasl, liaba moa,
glei is zwölf, stess mit mia oa!
De glockn leit, der böller kracht:
Prosit neujoahr 2008!
|
