Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Semrau Michael    -
3423 St. Andrä
michaelsemrau@aon.at



Alle Mundartautoren
Mundart-Datenbank

Da Floschngeist

Spazian geh i am Donaustrond,
Do schau - a Floschn liagt im Sond.
I heb sie auf, drah s'hin und her -
Schaut aus, ois ob wos drinnen wär !

Da Stöpsl geht aussa recht schwer.
An Fluscha mocht's - und do steht er:
Da Floschngeist. Er sogt zu mir:

Mei liabe Freind, i danke dir,
Doß d'mi host lossn aussaburrn,
Jetzt wär i do boid ranzig wurn.

An Wunsch host du jetzt frei bei mir,
Denk nua guat noch, des rot i dir!

'An Wunsch ? Woan des net oiweu drei ?
Kennt' ma uns einign auf zwei ?'

Drei Wünsche gibts nua bei da Fee,
Des bin i net, des siagst do eh!
A zwa gehn net, wenn's di a stiat.
Leida san mir diskriminiat
Wos s'wünschen ongeht - ärgalich,
Doch ana tuats a - sichalich !

'Na guat, donn wünsch i mir von dir
Doß du a Autobohn baust mir
Von do zum Traunkai noch Bod Ischl
Damit i schnölla bin a bissl.
Füa mi nua muaß die Stroßn sein
Und pfeugrod - des wär supafein.'

Sei Kopf bewegt si hin und her,
I merk, er tuat si richtig schwer.
Er rechn't, wiegt ob, spinntisiert,
Und endlich hot er's kalkuliert:

Mei Freind, i hob do a Problem,
I glaub, des wird leida net gehn.
Vier Flüsse und zwa Seen wärn
Von dieser Stroßn zum durchquern.
Do spüt da Umwödschutz net mit -
An ondan Wunsch i mir erbitt'!

'Na, goa so vü host a net drauf -
Zu wos moch i die Floschn auf ?
Donn tat i hoit von dir erbittn,
Doß d'ma erklärst, wie d'Frauen tickn.

Wie s'denkn, fühln, wos sie woin,
Wieso s'so oft hot net sein soin,
Doß i vasteh, wos sie bewegt
Warum da Monn ihr zu wen'g redt,
Warum ma nochher nimma waß,
Wieso ma streit weg'n so an Schas....

Warum's so is, und zwoa füa jedn,
Ois lebat ma auf zwa Planetn....'

Und wieda tuat er si recht schwer,
Sei Schädl wocklt hin und her,
No länga tuat er übalegn,
A poamoi setzt er on zum redn,
Nix bringt er aussa aus da Pappn
Na endlich - jetzt scheint es zu klappn:

Laut seufzt er: 'Guat, I resignier' -
Brauchst zwa Foaspuan - oda vier ?


 Mundartdatenbank - Gesammelte Beiträge von Mundartautoren und Lesern zum Nachlesen!