Mundartbeitrag von:
Mair Hildegard - 4730 Prambachkirchen hildegard.mair@aon.at
Alle Mundartautoren Mundart-Datenbank |
Auferstanden
Sie hat
d´Angst ausbroat,
drauf ihr müads Gstö(ll) niederlassn,
in Kopf auf d´Enttäuschungen glegt,
mitn Sorgnsack zuadeckt
und d´Erinnerungen zuwadruckt.
Mittn in der Nacht
hats ´s Leintuach,
in Kopfpolster, in Tuchat
und d´Warmflaschn hintlassn
und alls war guat.
|