Mundartbeitrag von:

Affengruber Franz    -
3311 Zeillern
afra1@gmx.at

Irgendwånn!

Irgendwånn schreib´ i wås fia di´,
håb´ i a´mål g´sågt, åber i woaß net wie
i des beschreib´n soll, wås du mir bedeut´st,
und de gånze Zeit de du mi´ begleit´st
suach i nåch Wörter welche beschreib´n dei´ Wes´n
und bis heut is koa Reim da richtige g´wes´n!


Des dau´t hia´zt scho´ an etl´a Jåhr,
åll´s einz´ln auf´zählt, wa´ nixi wåhr,
d´rum denk i weiter und tua test´n
wås fia a G´setz´l passt am best´n,
des di´ beschreibt. De brennt de Fråg´!
Wia soll i schreib´n dass i di måg?


So wia a Reg´nbog´n mit seine Fårb´n,
so bist du in mei´ Leb´n ei´g´fåhr´n,
und a Reg´nbog´n wa net so schön,
tat eahm irgend a Fårb´ å´geh´n!
Und ba dir då håb´ i nu nia a Fårb´ vermisst!
D´rum måg i di´! Weils d´ bist wias d´ bist!

14.April 2007 Afra