Mundartbeitrag von:
Affengruber Franz - 3311 Zeillern afra1@gmx.at
Alle Mundartautoren Mundart-Datenbank |
Frei aussa!
A jeder der bet´n will, des åber net so richtig kånn,
braucht Richtlinien bzw. Formeln ån de er si´ hålt´n kånn!
Wånn åber ´sHerz vor lauter Freud übergeht,
oder wånn´s va da Ångst fåst z´druckt wird,
dånn zoagt a jeder sei´ Innerstes, und wås ma´ sågt
kimmt
Frei aussa!
Himme´muatta! Hilf ma leb´n!
Wånn i z´viel håb´, hilf ma geb´n,
bin i z´långsåm, hilf ma renna,
wånn mir wer gibt, dånn hilf ma nehma!
Himme´muatta! Hilf ma fåst´n!
Wånn i miad bi´, hilf ma råst´n,
in da Versuchung hilf ma meid´n,
und in da Krånkheit hilf ma leid´n!
Himme´muatta! Hilf ma låcha!
Will i Guat´s toa´, hilf ma´s måcha,
bin i traurig, hilf ma rea´n,
is mei letzte Stund´, dånn hilf ma sterb´n!
5.4.2007 Afra
|