Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Affengruber Franz    -
3311 Zeillern
afra1@gmx.at



Alle Mundartautoren
Mundart-Datenbank

Mundart lebt!

Genau so wen´g wia i des kånn
kånn´s a koa Frau, und a koa Månn,
dass ma a fremde Språch sei´ Eig´n nennt,
weil nåch an lången Leb´n bleibt a Akzent
va den wås du ei´g´saugt hundertfåch
mit da Muattamilch! Dei´ Muattaspråch!

Genau so wen´g wia´s mir gelingt,
gibt´s koan der des zusåmmenbringt,
wånn er weida weg´ziagt van Elternhaus,
und suacht sei´ Glück in an ånder´n Haus,
der färbt sei´ Språch unbewusst im fremd´n Ort,
d´Familie dahoam kennt des sofort!

Genau so wen´g wia´s i versteh´,
gibt´s koan im Tål und auf da Höh´
der såg´n kånn wia in Zukunft red´t
da Mensch mit´n Mensch, dass er´s versteht,
åber oa´s des is mir heut´ scho´ g´wiss,
er red´t wia eahm da Schnåb´l g´wåchs´n is!

Genau sovü wia i des woaß
wiss´n´s vü, ´sLeb´n is a Kroas!
Wås Junges kimmt, des Ålte geht,
a jeder red´t so dass´s da ånd´re versteht.
A neicha Ausdruck kimmt, a ålter verebbt,
des is des Zoacha dass d´Mundårt lebt!


19.7.2008 Afra


 Mundartdatenbank - Gesammelte Beiträge von Mundartautoren und Lesern zum Nachlesen!