Mundartbeitrag von:

Steinkellner Werner    -
3233 Kilb
mail@werner-steinkellner.com

De ewige Ruah

Sitzt in Retz bei da Müh´
Und de Weingart´ danebm
Und du glaubst net wüvü
Dir des Friedn kau gebm.

Den Ewign, den haums scho gfundn
De jungan Buam – zu Tode gschundn –
Am Friedhof drüm für de Soidådn,
de durch des gaunze Bluat san gwodn.

Geh hi, sei stüh,
und du kaunst fühn
de gaunze Kråft,
de da seit Joarn scho
in da Erdn schlåft.