Mundartbeitrag von:
Affengruber Franz - 3311 Zeillern afra1@gmx.at
Alle Mundartautoren Mundart-Datenbank |
Sommertraum
Es is nimmer so wia´s friaha wår,
åber net schlechter, mia kimmt vor,
dass des des wås ma´ si´ verspricht
va uns verlångt, dass ma´ verzicht
auf´s Recht dass ma´ si´ geg´nseitig måg,
weil d´Liab is nimmer wia in die erst´n Tåg!
´sFruahjåhr is vorbei! Es is da Summa
nåhtlos in uns´re Ehe kumma,
und wånn da Verspruch nu gilt
va dir und mir, mit´n Herrgott in da Mitt´,
dånn kimmt des zweite nåch dem ma tråcht´n,
dass ma uns geg´nseitig åcht´n!
Da Herbst kimmt a va selber irgendwånn,
den kånn ma´ net aufhålt´n, und dånn
wird si´ die Fårb´ va uns´re Blattl vermehr´n,
und mia mia werd´n uns geg´nseitig ehr´n,
so wia´s durch´n Verspruch für uns bestimmt,
dånn bleib´n ma banånd bis da Winter kimmt!
10.8.2008 afra
|