Mundartbeitrag von:
Affengruber Franz - 3311 Zeillern afra1@gmx.at
Alle Mundartautoren Mundart-Datenbank |
Zweiter Schritt!
Kreuzworträtselwettbewerbe
erzeug´n meist Erinnerung, eher herbe,
åber i håb då a G´setz´l außi g´schickt
auf Deutschlånd, weil´s eh nur umanånda liegt!
Hiatzt is a bisserl a Zeit verrunna
und akkurat håb´n de des g´numma!
In a so a Ädisch´n woll´n sie´s eini schreib´n,
ba uns sågt ma Såmmlung, åber då siachst wo s´ bleib´n,
de ålt´n Ausdrück werd´n versetzt,
weil Englisch unser Deutsch besetzt!
Za meiner Freud´: „Die is RIESEN-groß!“
Då, auf dera Plattform wia i s´ los,
weil då woaß i då les´n´s de, de a gern schreib´n
und ån de möcht´ i mei´ Freud´ verteil´n!
12.9.2008 Afra
|