Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Fia´n Teuf´l a årme Seel´!
Griaß euch, es „guat´n“(?) Leut´!
I bin hiatzt då, a kurze Zeit,
ålles wås i euch erzähl´,
kimmt net va ob´n sondern va da Höll´!
Mit ihr då, håb´ i so meine Sorg´n,
i håb´s scho´ a påårmål probiert, gånz verborg´n
und i gib net auf, sie g´hört in d´Höll´,
weil sunst is s´ jå a årme Seel´!
Wånn s´ za mir kimmt håt s´ koan Stress,
weil ba mir drunt´n då san ålle bös´!
Då kriagst an Sitzplåtz gånz hi´bei,
a da Eintritt der is frei, inclusive Feu´´,
du brauchast nur nåch dein´ irdisch´n Leb´n
mir, va dir, dei´ Seel´ her geb´n!
Åber i glaub i rauf´ ummasunst,
50 Jåhr lång håt mi´ des scho´g´hunzt!
A påår mål san mia uns eh begegn´t,
åber des genügt net, weil i glaub´ ihr Seel´ is g´segn´t,
du bist soweit weg va mir, i kånn di´ kam berühr´n,
weil du låsst di åll´weil wieder va den då ob´n verführ´n!
I kånn ihr eh nimmer helf´n, deiner årmen Seel´,
du rennst jå ålle Jåhr nåch Mariazell!
I gib´s auf! Woaßt wås, bleib´ ma g´stohl´n!
Va mir aus sollt di´ da Herrgott hol´n!
4.10.2008 afra
|
