Mundartbeitrag von:
Affengruber Franz - 3311 Zeillern afra1@gmx.at
Alle Mundartautoren Mundart-Datenbank |
Des mit mein Kreiz!
Melodie: A grösser´s Kreiz tua i net kenna!
Des mit mein Kreiz des is zan flenna,
kånn net g´scheit geh´n und nimma renna,
´sÅ´biagn tuat so furchtbår weh,
und i kimm nimmermehr in d´Höh´!
I geh åls Bucklerter zan Dokta,
es tuat so weh, mei´ Åtem stockt a,
wia i d´Krånkenschwester si´ch
gibt’s ma in Kreiz an leicht´n Stich!
I hör´ ihr Stimm´, då muaß i los´n,
då wird´s glei´ Frühling in da Hos´n,
red´t mit mir gånz leicht gebeugt,
mia wird gånz wårm, da Bluatdruck steigt!
I richt mi´ auf trotz meine Schmerz´n,
und schau ihr mitt´n zwisch´n d´Herz´n,
weit herbei und so schön rund,
i brauch koan Doktor, bin scho´ g´sund!
8.12.2008 Afra
|