Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Herbergsuche heute
Går vü Leut´ in uns´rer Zeit,
suachan a Brot in ihrer Not,
suachan a Wåsser åls a Nåsser,
suachan d´Küst´n in da Wüst´n,
suachan an Strånd im Lånd!
Går vü Leut´ in uns´rer Zeit,
suachan ´sLeb´n obwohl´s eah geb´n,
suachan d´Liab wia a Diab,
suachan an Plåtz an wårmen wia die Årmen,
suachan ´sFåst´n ohne Råst´n!
Wer klopfet an? Hoaßt´s in an Liad!
Es passiert net oft dass´s wer probiert!
An jed´n der klopft håt, am Åb´nd, auf d´Nåcht,
håst Du sofort die Tür aufg´måcht!
Da Mensch suacht Herberg in seinen Nöt´n
und klopft und klopft, probiert´s net mit bet´n!
17.12.2008
|
