Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Ortner Marion    -

ortnermarion@aon.at



Alle Mundartautoren
Mundart-Datenbank

A so a Lebn

Griaß di, liab´s Mensch –
i wünsch da oiß schen´s!
Mein Gott, wia di Zeit vergeht,
des bestimmt nia da Mensch versteht!

Da kummst auf d´ Welt –
vielleicht net grad bestellt
und scho rinnt die Zeit dahin,
vom End scho wieder da Beginn.

Zerst hast koane Zähnd im Mäul
und d´ Haar lass´n si dawäu,
kannst net alloane sitzen oder essen,
und des Gehen kannst a no ganz vergessen.
Mit ´m Red´n is des a no so a Sach,
aber des gibt si nach und nach!

Für oiß, da kummt de Zeit,
ja glaub ma´s, schnö bist für oiß bereit!


Da stehst jetzt da, du kloana Racker du,
auf de eignen Fiaß und lachst dazu.
A bißl schief schaust du mi an,
und dann laufst du mir a scho davau!

Du kloaner Lausa du,
renn´ na, i hob di eh im Nu!
Bin Heil froh, daß d´ guat renna tuast,
und net stad hoitn muaßt!

So vü schiache Sach´n auf da Welt,
koana hat si de für sich bestellt!
`S Geld, des is net so wichtig,
d` Gesundheit de is g´wichtig!

I wünsch da a wunderschene Kindheit,
die da unvergessen bleibt!
So schnö beginnt da Ernst des Lebens,
die Zeit der Schul – des Strebens!

A paar Jahr und scho kannst buddeln geh´,
mechst wo hab´n a Häusl steh´!
Kriagst a Frau und Kind dazua,
da schau da neta zua!

Bis dahin, da bin i ja scho alt,
und vielleicht scho in der Seniorenanstalt!
Hoff´ bloß, daß i nu a wenig weiter kann
um dir zua´zschaun kloana Mann.

A wenig agschreckt hat´s mi scho,
aber dem alt werdn lauft halt koans davo,
des alt werdn, des kann schiach hoit sei,
aber die Jugend geht bei jedem amoi vorbei.

Es end´t hoit so, wias angfangt hat,
ohne Zähnd und ohne Hoar,
mit´m Geh´ is a aus, wia i moa
und der Geist a wen´g dann spinnt,
wiast wieder wia a kloanes Kind!


Doch des liegt in weiter Ferne,
i senier halt manchmal gerne!


 Mundartdatenbank - Gesammelte Beiträge von Mundartautoren und Lesern zum Nachlesen!