Mundartbeitrag von:

Glawischnig Werner    -
9620 Hermagor
glawischnig.59@aon.at

A bissl varuckt!

Da ane rennt mit kuarza Hosn,
oba mitn drin im Winta,
der is nit dicht in seina Dosn,
oda sogt man goar, jo spinnta.
Im Summe rennta mit’n, Schal,
dos is a nit gonz normal,
sigst in a noch mit Pullova,
donn is sei Game wohl sicha ower.
Do ondre laft mit roate Hoar,
do reibst da deine Augn,
dos is jo olles goar nit woahr,
do tuat’s dem Typn a noch taugn.
I hob hiaz noch nit aufgemuckt
und denk ma lei, der is varruckt.
Da ane geaht mit zrissnen Jean,
de Franzen hängen bis zan Knia,
do sogn de Leit, dos is heint inn,
i sog, der is varuckt ols wia.
Diandlan hom de Hemdn on,
aus Votas Schronk entwendet,
is an dem Gstaltl eh nix dron,
i was nit wia dos endet.
De Biablan hom a ihre Tuckn,
se hom a Übadrübahosn on
und tuan gezielt om Gehsteig spuckn,
a jeda weit, so wiara konn.
A Mola klatscht mit Bluat a Bild,
da ondre molt mit Häuslmist,
do wer i schon beim onschaun wild,
wenn der nit mehr als narrisch ist.
Hiaz sog i frei und ungenieart,
de seint o’lle degenariart.
Da Volksmund sogt dos exemplarisch,
grod ause g’sogt, de seint jo narrisch.
Bewoahr ma uns den guatn Ton,
oba a bissl varruckt seint se schon!