Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
A guat`s neich`s Jåhr!
`s neichi Jåhr soll enk geb`n!
Zwölf Monat Leb`n,
a biss`l an Neid
und für ålles sei` Zeit.
Für jed`n den richtig`n Weg,
über jed`n Gråb`n an Steg,
für jed`n wia a`s will
des richtige Ziel!
`s neichi Jåhr soll enk geb`n!
52 Wochan an jed`n,
ob guat oder schlecht,
a jeder måcht`s recht.
52 Wochan! Und a jede gleich,
is egal ob`sd´ årm bist oder reich,
i måhn` då sågat ma dånn scho`:
„Es håt se überhaupt nix `tån“!
`s neichi Jåhr des soll enk geb`n!
365 Tåg Gottes Seg`n!
Mehr für årm oder mehr fia reich?
Na, des g`hört für ålle gleich!
`s neichi Jåhr, des wås hiatzt kimmt,
genau so wia des ålte verrinnt!
Es sollt´ enk geb`n an jed`n Tåg,
G`sundheit, wås a jeder måg!
31.12.2004 Afra
|
