Mundartbeitrag von:
Affengruber Franz -
afra1@gmx.at
Alle Mundartautoren
Mundart-Datenbank |
Durch Ihn, und mit Ihm, und in Ihm!
Es braucht immer zwoa dazua
damit a Kind, ob Dirndl, ob Bua,
gezeugt wird um gebor´n zu werd´n,
und leb´n kånn, beschützt auf uns´rer Erd´n.
Da Våta is, i såg´s hiatzt gern,
oana va de zwoa! I bi´ durch Eahm!
Es braucht immer wen dazua
dass d´ ´sLeb´n lernst, und des zeitli´ in da Fruah,
weil du muasst selber leb´n in da Mensch´nherde,
und alloane geh´n auf uns´rer Erde.
Da Våta is, i såg´s hiatzt gern,
der Månn neb´n mir! I geh mit Eahm!
A jedes Ich braucht Eahm dazua,
so wia a Fuaß stehst d´rinn im Schuah,
so wia a Teil wås van Gånz´n is,
g´hör´ i za Eahm, des is ma g´wiss!
Da Våta is, i såg´s hiatzt gern,
mei´ Gånzes! I leb´ in Eahm!
Afra
|
