Mundartbeitrag von:

Affengruber Franz    -

afra1@gmx.at

I hålt die Gosch´n!

(ABBA-Lay all your love on me)

´sLeb´n lång halt i scho´ die Gosch´n,
weil wånn wer red´t red´t sie!

Jå in da Årbeit då rinnt da Schweiß,
åls wås an Wert håt håt an Preis, des is a ålter Schmäh.
Ba uns´rer Ehe då gibt´s koan Wert,
åber an Preis, des is verkehrt, des tuat so weh!
Sie is nia stü! Sie red´t sovü! Sie håt koa G´füh´!
Sie red´t sovü und i bi stü!
´sLeb´n lång halt i scho´ die Gosch´n,
weil wånn wer red´t red´t sie!

Mia håb´n gemeinsåm a Konto g´håbt,
doch a Geld håb i nie ans g´håbt, des wår a so.
Weil auf da Bank jå då muasst wås såg´n,
wånn s´di um a Passwort fråg´n, wås måch ma då?
Wås soll denn des? I wia nervös! Dånn wia i bös´!
I kunnt schreib´n, hiatzt låss i´s bleib´n!
´sLeb´n lång halt i scho´ die Gosch´n,
weil wånn wer red´t red´t sie!
I håb nixi in da Tåsch´n,
´sSpårbiachl des håb i!

I geh zan Wirt und bestell´ ma ans,
doch meist´ns sågt ma, ans is kans, so is des Leb´n!
Die Sperrstund kimmt scho, sågt da Wirt,
doch vorher wird nu å´kassiert, i kånn eahm nix geb´n!
Da Wirt hoaßt Franz, frågt sie håb´n kan´s? Des san so Tanz!
Sie Herr Franz! Wårum håb´n s´kan´s?
´sLeb´n lång halt i scho´ die Gosch´n,
weil wånn wer red´t red´t sie!
I håb nixi in da Tåsch´n,
´sSpårbiachl des håb i!
´sLeb´n lång halt i scho´ die Gosch´n,
weil wånn wer red´t red´t sie!
I håb nixi in da Tåsch´n,
´sLosungswort des woaß sie!

3.2.2009 Afra