Mundartbeitrag von:

Affengruber Franz    -

afra1@gmx.at

Da Sieger der kriagt åll´s!

(ABBA-The winner takes it åll)

I kånn går nix såg´n, i kånn net und i will net mehr,
i kånn nur mehr klåg´n und mir is zan rean!
Nix håt mehr an Sinn, s´Leb´n des is so schwa mit dir,
es is nix mehr drinn, koa Chance auf an Gewinn!
Da Sieger der kriagt åll´s! Da Verlierer nix und fålls
er vielleicht aufbegehrt, wird er glei´ belehrt!

D´Kinder san scho´ groß! Jeder geht sein eig´nen Weg!
Zwisch´n uns nur Håss! Zwisch´n uns koa Steg!
Wårum is des so word´n? Wo san die schönen Stund´n blieb´n?
Mia trau´n uns net va vorn, denn wås g´schrieb´n is des is g´schrieb´n!
Zum Sieger wirst d´ gebor´n! Åls Verlierer håst d´ verlor´n,
und kimmst van Bod´n net auf, steigt ma nu fest d´rauf!
Da Sieger der kriagt åll´s! Da Verlierer nix und fålls
er vielleicht aufbegehrt, wird er glei´ belehrt!

I håb di´ lång net g´küsst, i tram va dir und va dein Nåm`,
du wirst va mir vermisst, geh´ma wieder z´såmm`!
Wo is die zweite Chance? Wo is unser erstes Ziel?
I bi´ wia in Trance, doch du zoagst koa Gefühl!
Zum Sieger wirst d´ gebor´n! Åls Verlierer håst d´ verlor´n,
und kimmst van Bod´n net auf, steigt ma nu fest d´rauf!
Da Sieger der kriagt åll´s! Da Verlierer nix und fålls
er vielleicht aufbegehrt, wird er glei´ belehrt!

I kånn nix mehr såg´n, i kånn net und i will net mehr,
i håb nur mehr Fråg´n, weil Jetzt is Hinterher!
Da letzte Trumpf verspielt, ålles echt und nixi ausprobiert!
I woaß wia ma´ si´ fühlt, wånn ma´ ´sOanzige verliert!
Da Sieger der kriagt åll´s!
Da Sieger der kriagt åll´s!
Zum Sieger wirst d´ gebor´n! Åls Verlierer håst d´ verlor´n,
und kimmst van Bod´n net auf, steigt ma nu fest d´rauf!
Da Sieger der kriagt åll´s!

4.2.2009 Afra