Mundartbeitrag von:

Affengruber Franz    -

afra1@gmx.at

Sonntågberg!

Auf da Panoramastråss´n,
is des geh´n mit dir a Freud´,
weil da Herrgott håt hinterlåss´n
die schönste Låndschåft weit und breit!
Die Låndschåft is wia im Bilderbiacherl,
"Er" is so groß und i a Zwerg!
/: Zur linken Hånd va Windhåg ´sKiacherl
zur Recht´n siagst in Sonntågberg! :/

I geh durch enge Gåss´n,
i geh mit dir durch Freud´ und Leid,
weil da Herrgott håt koan verlåss´n,
nur wiss´ma´s nia zur recht´n Zeit!
Frühling, Sommer, Herbst und Winter,
uns´re Ehe is g´råd´ a so!
/: Zur linken Hånd san uns´re Kinder,
zur Recht´n Du! Da bin i froh! :/

Geh´ i aussi aus da Stråss´n!
Geh´ i aussi aus´m Leb´n!
Möcht´ i går nix hinterlåss´n,
wås verderb´n tat´, des wås "Er" geb´n!
Måcht´s ehs zua mei Bilderbiacherl
und hebt´s auf mei´ Leb´nwerk!
/: Trågt´s mi durchi durch mei´ Kiacherl,
doch låsst´s mi ruh´n am Sonntågberg! :/

9.2.2009 Afra