Mundartbeitrag von:

Pogotz Roswitha    -
4690 Rüstorf
r.pogotz@aon.at

Moanst des is scho gscheit

Moanst des is scho gscheit
wannst oiwei des tuast wos de ned gfreit
wird da des ned boid leid
zum umdenga moan i wirds Zeit.

Nur weil da andere moant es muass so sei
jo mei wos foillt denn dem bloß ei
du brauchst do a a Zeit fiar di
des wü da andre segn nie.

Loss amoi fünfe grod sei
schau in di eiwendig nei.
Bedrückt de ned de ganze Gschicht,
am End vom Horizont is do a Liacht?

Sei endli a kloana Egoist
hoit di nur auf wost gern bist
tua nur ins helle Liacht schaun
und auf dein Schutzengl vatraun

Er gibt da an guadn Rot
es is a fiar di nu ned zspot
a Leichtn kimmt in deine Augn
wirst seng des tuat da taugn.