Mundartbeitrag von:
Pogotz Roswitha -
4690 Rüstorf
r.pogotz@aon.at
Alle Mundartautoren
Mundart-Datenbank |
DFrau dahoam kann se ned leidn
DFrau dahoam de kann se ned leidn
si jammad und raunzt, ma hearts vo da weidn
sitzt vorm Spüagi und schaut granti eini
si moant mit ihre Foiltn is ganz alloani.
Sie ziagt und zupft umanand im Gsicht
draht auf und glei wieda o des Liacht
si kanns ned glauben und tuat vawundat
wanns na wos gegn de Foiltn tuan kunntat.
Anstatt das froh is wias is
weng a so a poar Foiltn kriagts a Kris
I fiar mein Teil woas gwis
mei Foiltngsicht bleibt wias is.
A jede Foiltn erinnat mi an a schene Zeit
wanns a scho her is ziemlich weit
hob i do so vü Stundn glocht
und vü Freid und a so manchn Bledsinn gmocht.
Finds traurig wann wer mit seim Oita ned kimmt zrecht
a jede Zeit hod wos guads und a wos schlechts
ma kann nur mochn des Beste drauss
dann mochan da a a poar Foiltn nix aus.
|
