Mundartbeitrag von:

Eder Martina    -
4600 Wels
martina.eder11@tele2.at

Seelenfreund

Scho etla Jahr sand iazt verganga,
seitdem du mih verlassn hast,
nuh alleweil is`s mei Verlanga,
waarsd´ oamal nuh bei mir zu Gast.

Nur oamal nuh dei Stimm wahrnehma
und Worte hörn, de mih berührn!
Sovü kunnt ih mar aussanehma,
dei Herzlichkeit nuh oamal gspürn.

Drum kann ih dih ah net vergessn,
schreib`s nieder weil`s mih dazua drängt,
van Dichtn öfter mal besessn,
jedoch va obm her gelenkt.