Mundartbeitrag von:
Hranitzky Hella-Maria -
7207 Bad Sauerbrunn
aon.913326526@aon.at
Alle Mundartautoren
Mundart-Datenbank |
Abschied
Oiwei wannst fuatgehst, is ma’s Herz so schwer
Dazua kummt die Angst i siech die nie mehr,
Du bist no so jung, s’ Leben liegt vor dir,
Bei mir kunntat’s sei, daß i’s bald valier.
Oiwei wannst fuatgehst, mach i ma Sorgn,
Wia’s da wohl gehn wird, heite und morgn
Und all die lange, übrige Zeit …
I kann ma’s net vuastön, du bist ja so weit.
Oiwei wannst fuatgehst, wird d’ Welt so leer,
I geh umanand ob i di irgendwo heer.
I büd ma ein, daß i di immer no g’spia
Und i wünsch ma, du warst wirkli bei mia.
Oiwei wannst fuatgehst, bleib i allan,
Du waßt net, wia traurig die Stund’n dann san …
Aber leider- amal- der Herrgott kennt d’ Zeit,
Bleibst DU allan z’ruck und I bin ganz weit … H-M.H
3.1.2009
|
