Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Alptraum positiv?
Es wår amoi a Zeit, då håb i oft ´tramt,
bin dånåch munter word´n, mit an Grant,
wasch´lnåss, wia van Fieber erhitzt,
so wia in da Froas und neb´nbei g´schwitzt.
Da Grund: „Då wår a ålter Månn,
der sitzt auf meiner Hånd und dånn
fångt er ån zan kleana werd´n,
kleana wia a Kind, fåst zan rean!
Des geht nu weiter, des rennt so fuat,
bis über d´Grenz, also d´Geburt!
Er wird so wia a Embryo, net zan dahålt´n,
d´rum is a ma jed´smål owi g´fåll´n!“
I håb lång net g´wisst wås des sollt´,
wårum si´ der Tram ållweil wieder wiederholt?
Hiatza woaß i´s, weil da Månn bin i,
den hilft koa Er und a koa Sie,
der Tram bedeut´t: „Tua wås, sonst wirstd´ immer kleiner!
Hilf dir selbst, sonst hilft dir keiner!“
25.4.2009 Afra
|
