Mundartbeitrag von:

Gantner Margit    -
5741 Neukirchen am Großvenediger
mgantner@aon.at

Wohi damit

Wo soid i meine G’füh aufghoitn?

An an Plastiksackö
- wearns gach schimmjög

an Rucksåck
- der is eh scho schwaa

a Stoffbeidei tat aa
- weascht drinn åwa ois gach höscht

a mein Håndtaschl
- då is ois durchanond,
Finds d nix wånnst ös brauchst

I moa, an besten is
i ghoit nix auf und
toaös glei scho kloagweis aus.


Oberpinzgauer Mundart
schimmjög: schimmlig
gach: schnell
ghoit: behalte
kloagweis: in kleine Stücke geteilt