Mundartbeitrag von:
Kreuzwieser Hannes -
4600 Wels
hannes.kreuzwieser@aon.at
Alle Mundartautoren
Mundart-Datenbank |
Mei Våtta
Mei Våtta woa a brava Mau,
er, håt a nia neamt wås dau.
Aus a ärmlichen Famüli is a kemma,
sei Stärke des wår gem,net nehma.
Zersch håt er goawat ban Nußbama,
tau håer oiss, jå sogoa gama.
So is gweng, sång d´Leid akrat,
mei Muata gseng und schau g´heirat.
Af Püchö zong,daun Haus neibaut,
nu Kina kriagt, af d´Famüli gschaut.
Er håt net glong und a net gschtoin,
wauns gfeugöt håt, daun håt er gschoin
Beim Stadlbaun,en Lågerhaus,
goawat oiweu, Tågei Tågaus.
Damit er kau sei Haus åzoin
hot er en an Saumsta trång de Koin.
Gern håt er a a Weindal drunga,
er håt Pfiffn und a Xunga.
Jå, de Gamsal schwoaz und brau,
de haum am ´s jå gauz audau.
Ghåt hot er net woas wås en Lehm,
wia schau gsågt, net nehma, gem.
odi is a a net wirkli woan,
mit 63 is er schau gschtoam.
© Hannes 25.8.2009
|
