Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Kinderabschied
Du bist va mir,
ålso bin i in dir,
doch a Teil va mir, is nur in dir,
d´rum is a Teil va dir åll´weil nu in mir!
Wånnst fort gehst sei net traurig, sei froh,
weil nur oa Teil geht! Oana bleibt då!
Mein´ Teil tråg aussi mit deine Händ´,
auf dein Weg beschütz´n di´ meine Händ´!
Bist d´ traurig, jå dånn bin i´s a,
weil zu zweit då is´s dånn net so schwa!
Bist d´ lustig, froh, zu deiner Zeit,
dånn bin i´s a! So verdoppelt ma´ d´Freud´!
Schau nur nåch vorn´, dass dir nix passiert,
i schick dir Wärme, wånn di´ friert,
schau´ nie nåch hint´n, des kånnst d´ dir merk´n,
denn i werd´ dir immer den Rück´n stärk´n!
1.10.2009 12:02 (Ortszeit Hawaii/ Kilauea) Afra
|
