Mundartbeitrag von:
Gantner Margit -
5741 Neukirchen
mgantner@aon.at
Alle Mundartautoren
Mundart-Datenbank |
A Liad fie di
Möcht dih warma wånns koit weascht
möchte di trestn wånnst reascht
wü munter werdn nebm dir
niadn Tåg a da Friah
möcht oiwei fie di då sei
wia s aa ummandumm weascht-
zoicht da Hörest as Lånd
hoit ich no oiwei dei Hånd
vageht die Zeit ja vüz schnöe
aus n Heid is gach feascht
möcht oiwei fie di då sei
wia s aa ummandumm weascht-
und is an gachjöng zan gå wean
nåcha stecka ma ins zåmm
und bittn an Herrgod
er låßt ins ent åft banånn
möcht oiwei fie di då sei
wia s aa ummandumm weascht-
Hörest = Herbst
gach= schnell
feascht = voriges Jahr
an gachjöng= irgendwann einmal
is zan gå wean= sterben
|
