Mundartbeitrag von:
Pogotz Roswitha -
4690 Rüstorf
r.pogotz@aon.at
Alle Mundartautoren
Mundart-Datenbank |
Es herbstlt scho
Es herbstlt ganz sche
des muass ma a vasteh
de Natur zaogt jetzt de schenstn Foarbn
bis da Winta ausbroat seine Oarm.
Is scho sche wannst beim Fensta ausse schaust
so bunt de Bam, dass deine Augn kaum traust
und drobn am Berg, de Güpfe weiß
zum Ausrostn ruft de Natur ganz leis.
Is wia bei de Leit
do zaogt a des Joahr, den Lauf der Zeit
Ois Junga springst und hupfst
wirst öda, dein Körpa auf a Bangal schupfst.
Erfoahrn an Joahrn und im Herzn jung
mocht bei so an Herbst dei Herz an Sprung
geh in de Natur und moch de Augn auf
und nimm de schen Foarbn in diar auf.
Jo, es herbstlt scho recht drausst
de stade Zeit möt se an
de buntn Blattln lossn se treibn vom Wind
und bringan an liabn Gruaß ganz gschwind
Hoit a wenig stad und sitz di hi
horch dem Wind sei Symphonie
bedächtig und ruhig bringts da de Freid
zum Nochdenga is jetzt de beste Zeit.
|
