Mundartbeitrag von:

Klopf Christine    -
8940 Liezen
christine_klopf@utanet.at

Lindenbliahbam

Am Lindenbliahbam so vü Bliah aom san,
da gaunze Bam is voll davau
traubig hängans oba und
mit ihre kloan weißn Blattal
schauns aus, als lochands mi ou.

Gaunz stü bin i gschton’d und
hob ghorcht den Gsong
Sum – Sum – Sum – Sum
Hot si onghört als wa er fünfstimmig,
di Bienen, sie holn sich den Nekta
do drobm is jo gnua,
nua di Bienen wolln dabei ihr Ruah.

Bin gaunz stü gwen und
schau den singenden Bienen
ba ihrn Treibn zua.
Fliagt oane ausa - ouba mein Kopf,
surrt si im Kreis umandum,
als würd si mia sogn…..
geh weg do, der Bam ghärt uns.

Hob mi a wengal duckt und so stü
wia i kemma bin, bin i wieda gounga.