Mundartbeitrag von:
Affengruber Franz -
afra1@gmx.at
Alle Mundartautoren
Mundart-Datenbank |
Da Stille See
Es is so still um an See,
wånn´s Wåsser scho´ kålt!
Es is so still um an See,
wånn´s Jåhr is scho´ ålt!
Es is so still um an See,
und åll´s kimmt zua Ruah,
weil es kimmt båld da Schnee
und der deckt ålles zua!
Es is so still im Advent,
in ana ruhigen Nåcht!
Es is so still im Advent,
weil des Liacht wird uns ´bråcht!
Es is so still im Advent,
es braucht nix dazua,
weil es kimmt, mia san´s g´wöh´t,
unser Herrgott åls Bua!
Es is so still in da Nåcht,
wånn ma´ går nixi siacht!
Es is so still in da Nåcht,
in da Finstern wird´s liacht!
Es is so still in da Nåcht,
Maria håt´s bråcht,
helles Liacht åls a Kind,
in da Heiligen Nåcht!
|
